лістапад
RSS FeedАсенні рытурнэль
Верасень
залеў самлелых верадам
тушыць лета жар, рассыпаны па верасе.
На кастрах
з бульбоўніку і лісця
грэе пальцы золкія кастрычнік.
Лістапад
птушыную блакаду
сіліцца прарваць паміж прысадаў.
Возера запанела...
Возера запанела —
He павернецца ў берагах.
Аблачынка
Пушынкай зляцела,
Спіць, дрыготкая, у чаратах.
Курганы-маўчуны
Чолы думна схілілі,
Мабыць, бачаць забытыя сны,
А ці чуюць далёкія былі?
Цішыня — навылёт,
Hi згрызот,
Ані звад.
У прыродзе
Усё у згодзе.
Па соннай Ушаччыне лістапад
Асцярожна,
На дыбачках ходзіць...
Лістапад
Абляцелі жалуды.
Дапякаюць халады.
Пад нагой лісцё шуршыць.
А навокал — ні душы.
У выгоністым бары,
У прыціхлым гушчары
To наперад, то назад
Ходзіць дзядзька Лістапад.
Адпачнуў бы ён крыху
Ў зацішку на імху,
Ды не грэе болей дух
З лісця зроблены кажух.
Апошнiя водгукi
3 года 21 неделя назад
3 года 23 недели назад
7 лет 11 недель назад
7 лет 11 недель назад
7 лет 11 недель назад
8 лет 13 недель назад
8 лет 13 недель назад
9 лет 2 дня назад
9 лет 50 недель назад
10 лет 14 недель назад