Асеннімі дажджамі заліло...
RSS FeedАсеннімі дажджамі заліло
Апошнія чаканні і спатканні,
Пажоўклых клёнаў ціхае святло,
Скупога сонца роснае дыханне.
I пачала зямля крыху цвярдзець,
То сцюжа — пераможца ў паядынку
Раскідвае зары світальнай медзь
У лужынах барвовыя ільдзінкі.
А потым навалілася на дол
Вялікая і белая бясконцасць.
I заблудзіўся кожны мінскі дом
У пошуках растрачанага сонца.
А твар зямлі заснежанай не мёртвы:
Ён зменлівы, як пошум баравы.
Там, у барах, аж да вясны ў сумётах
Схавалі свае трубы журавы.
Яны іх знойдуць і яшчэ зайграюць,
Склікаючы дзяцей, ліству, блакіт.
I на ўсім краі аж да небакраю
Маланкамі набухнуць аблакі.
Апошнiя водгукi
3 года 41 неделя назад
3 года 44 недели назад
7 лет 31 неделя назад
7 лет 32 недели назад
7 лет 32 недели назад
8 лет 34 недели назад
8 лет 34 недели назад
9 лет 21 неделя назад
10 лет 19 недель назад
10 лет 35 недель назад