Гаспадыня восень.

1
Гаспадыняй крочыць восень,
Прыбіраецца ў дварах,
Травы жухлыя пакосіць,
Лісце спаліць на кастрах.
2
У агародах пазбірае
Бульбу, моркву, буракі,
У засекі паскладае
Боб, цыбулю і гуркі.
3
З павуціння звяжа сеткі,
Папрасейвае дажджы,
Узарае ўсе палеткі
Ад мяжы і да мяжы…
4
Рыжакосай гаспадыні
Увішнай быць - не прывыкаць,
Бо, як толькі фартух здыме -
Трэба зіму сустракаць.

© Copyright: Людмила Воронова Супрун, 2015
Свидетельство о публикации №115090607020