Анатоль Шушко

Дзень

Абшары шэрыя.
Адзіны верасень няхай
У верасе надзею адшукаў.
Абшары шэрыя.
«Нябёсы дужа не ўшчувай,
Мо затрымалася, чакай».
Абшары шэрыя.

Вечар

Дождж плача і скача.
He можа іначай.
Ён — дождж, a
Па сэрцы мне б'е,
Чакаць не дае:
Хвошча.

Ноч

Ці дзень напрарочыў?
Ці вечар сурочыў?
Хоць вока выкалі.
He збочу, дакрочу.
I дождж падахвочу
Сустрэчу вымаліць.

Раніца

Адшарэла.
Прабіла.
Люстэрку ў краплінцы
He паверыць не здолела — зразумела.
Сустрэла
Рабінай
На родным дзядзінцы.