Жанна Левітан
RSS FeedВосеньскі альбом
Гэты пейзаж называецца «Восеньскі клён».
Фарбаў не пашкадавала мастачка выдатная.
Гэта малюнак “Бярозава-вохравы сон”.
Зачараваны сусвет прыгажунямі статнымі.
Вось нацюрморт «Спелы яблык». У пажоўклай траве
Ён сакавіты, наліты - духмяная сонейка.
Вось павучок ў невядомую казку плыве,
Зацыраваў небасхіл ніткай срэбнаю тоненькай.
Гэта адзелі рабіны свой лепшы ўбор.
Бачыш, як граюць на сонцы каралі шыкоўныя!
Велічна клін жураўліны штрыхуе прастор.
Вабяць у далеч бясконцую хвалі чароўныя.
Воддаль дубова-асінавы ўспыхнуў пажар.
Размаляваны кусты бы кароны дзівосныя.
Шчодра аздобіў лясоў грабяні залатар.
А гэта вось - я і ты.
Мы вандруем па восені…
Позняя восень
Стаў лес па-развітальнаму празрыстым,
Калі густыя фарбы змыла восень.
I свецяцца хвалююча і чыста
Падобныя на тонкі лёд нябёсы.
Даўно не чуцен шчэбет галасісты,
Напоўнена паветра прахалодай.
I золата тужлівая ўрачыстасць
Змянілася ранімасцю прыроды.
СПАТКАННЕ З ВОСЕННЮ
Сукно нябёсаў промнямі працята.
Вакол туманных долаў патаемнасць.
Світанне… Разліваюць далікатна
Свой палыновы водар хрызантэмы.
Прырода заварожвае ўбраннем.
У залатых карунках неба просінь…
Непараўнальна кожнае спатканне
З тваёй чароўнай прыгажосцю, восень!
Апошнiя водгукi
3 года 2 недели назад
3 года 2 недели назад
3 года 2 недели назад
4 года 4 недели назад
4 года 4 недели назад
4 года 43 недели назад
5 лет 41 неделя назад
6 лет 5 недель назад
6 лет 33 недели назад
7 лет 1 день назад