Міхась Карцялёў.

RSS Feed

Восень.

Яшчэ не ацэнена

Восень.

Госьця стукне ў браміцу,
Ботам тупне па ганку,
Гэта восень-удавіца,
Маладзіца-цыганка,

Замкі-клямкі рашчыне,
Прывядзе свой палон,
Бо яна ўжо жанчына,
Не падлетак-дзяўчо,

Занясіліць абдымам,
Скокам нуд задаволіць,
На развітах пакіне
Ў садах голае гольле,

На развітах шпурне
Жменяй жоўтае лісьце,
Штось няўцямна шапне
На цыганскім санскрыце…
-12.08.20.

Усе аўтары