Рыгор Барадулін

RSS Feed

А там?

Сярэдняя: 5 (1 голас)

Вось і восень у нашых краёх.
(А якая ТАМ паравіна?)
Мох зязюльчын
Рэху пад ногі лёг.
Дрэмле лог.
Ня спіць баравіна.

На глухіх ад бур'яноў хутарох
Расцвітаюць катовы мудкі —
Краскі ціхія.
Памяці на парог
Асцярожна ступаюць смуткі.

I дзядоўнік
У нерашучасці за спіной
Зацвітае як жывасіллю.
Ветравеі,
Глынуўшы вады азярной,
Вучацца вымаўляць:
Ва — сі — лю...

Восень

Сярэдняя: 4 (2 галасоў)

Ціха — ажно закладвае вушы.
Дзюбай забінтаванай —
адбіў за лета –
Грукае дзяцел у азалелы ствол.
Сосен пявучых
ні ўвечар, ні рана
He ўчуеш наўкол.

На дол
сыплецца толькі ігліца,
Быццам
бурая поўсць з мядзведзя.
Ледзьве
шэпчуць сасна з сасною
(Яны зазвіняць вясною!).
Крадзецца золь напрасткі
да ракі,
Бач ты,
паўзе каля самай!
Летам полю
звінець каласамі!
А покуль замоўкла ўсё...

Заспаная раніца мжыстая...

Сярэдняя: 3.6 (7 галасоў)

Заспаная раніца мжыстая,
На фарбы і гукі скупая.
Нібыта сцяжынаю мшыстаю,
Прыціхлай зямлёю ступаеш.

I вёдры прыглушана бразгаюць
Каля адсырэлае студні,
Лісцёваю дыхае брагаю,
Пакутуе восень застудай.

Цыбатай нагой жураўлінаю
Імшарамі верасень крочыць.
Ад кіслых прысмак журавінавых
Заплюшчыла сонца вочы.

Цвітуць успаміны верасам.
Няяснае мроіцца-сніцца.
I моцна жадаецца-верыцца,
Што ўсё да паўдня праясніцца.

Усе аўтары

Lazzaro
Дземідовіч Галіна
Лазіцкая Галіна
Салтук Алег
Абрамчук Тамара
Дзюба Уладзімір
Ласаева Вольга
Свірка Юрась
Аксёнчык Ніна
Дзям'янава Таццяна
Левітан Жанна
Светашова Таццяна
Акулін Эдуард
Дзяргай Сяргей
Лось Еўдакія
Свяцкі Святаслаў
Барадулін Рыгор
Доля Яўгення
Ляшчун Мікола
Скобла Міхась
Борскі Алесь
Дубашынская Ірына
Мінкін Алег
Спіцын Алесь
Брандт Сергей
Дубовік Ганна
Магілеўчык Святлана
Станюш Таццяна
Брандт Сяргей
Дубоўка Уладзімір
Малец Янусь
Стральцоў Міхась
Броука Аляксей
Дубянецкі Эдуард
Мальчэўская Яўгенія
Стрыжак Віктар
Броўка Пятрусь
Жылка Уладзімір
Маркевіч Ірына
Танк Максім
Брыль Васіль
Забалоцкая Людміла
Марудаў Уладзімір
Тарасюк Люба
Бузук Уладзімір
Законнікаў Сяргей
Махнач Сяргей
Трус Паўлюк
Бураўкін Генадзь
Зуёнак Васіль
Мацяш Ніна
Тутэйшая Таццяна
Бялова Вольга
Кірыенка Кастусь
Навумаў Зміцер
Ураза Алесь
Віннікава Ларыса
Каліцька Наталля
Надольскі Павел
Хадарэнка Ірына
Воранава Людміла
Каленік Таццяна
Неўдах Лявон
Хвалей Яўген
Вырко Ларыса
Канапелька Ала
Півуноў Юрась
Цімохін Лявон
Вялюгін Анатоль
Канчэўскі Ігнат
Панчанка Пімен
Цвірка Кастусь
Гальпяровіч Навум
Караткевіч Уладзімір
Паўлікава Людміла
Цвірка Таццяна
Гардзейка Уладзімер
Карпенка Аляксей
Пракаповіч Ігар
Цыбульскі Кастусь
Гаспадыніч Павел
Карташэвіч Мікалай
Пралеска Сенька
Шабовіч Мікола
Гаўрусёў Сцяпан
Карцялёў Міхась
Пратасевіч Таццяна
Шаціла Віктар
Герасіменка Яўген
Карцялёў. Міхась
Рагаўцоў Васіль
Шолахаў Дзмітрый
Герман Ксенія
Касцян Лілея
Разанаў Алесь
Шпіронак Дзяніс
Глобус Адам
Касянкоа Ірына
Ржэуская Алена
Шушко Анатоль
Голуб Юрка
Колас Якуб
Рудак Антон
Шыбека Антон
Горбік Ўладзімір
Кот Мікалай
Русецкі Аляксей
Янішчыц Яўгенія
Грахоўскі Сяргей
Кудласевіч Анатоль
Руцкая Алена
Ярац Віктар
Грачанікаў Анатоль
Куляшоў Аркадзь
Рылач Валянціна
Ярашонак Аксана
Грушэцкі Алег
Купала Янка
Сіпакоў Янка
Яўменаў Леанід
Дабравольская Ангеліна
Кухарэвіч Святлана
Сабела Ганна
Яцкоў Мікола
Дзегцярова Алена